Полезная информация Сщмч. Климент О храме Духовенство Расписание Богослужений Новости Фото Видео Помощь храму

Тропарь, кондак священномученику Клименту

Тропарь глас 4

И же от Бога чудодействы преславно удивляя вселенныя концы мира, священный страдальче, паче естества морю, составы водам содеваеши разделение, в честней памяти твоей, всегда притекающим усердно в Богозданную ти церковь, чудесным твоим мощем: и по всенародном хождении море во едино течение чудодетельне твориши, Клименте предивный, моли Христа Бога, спастися душам нашим.

Кондак, глас 2

Божественного винограда священноодеянна всем лоза явися, каплющи сладость премудрости, молитвами твоими, всечестне, да тебе исткану яко багряницу, песнь мысленную принесем, Клименте святе: спаси рабы твоя.

Молитвы

О всечестный учениче верховнаго апостола Петра, новый Петре веры Христовой, вторый Моисею, священномучениче Клименте, просвещенный учением великаго апостола, венчанный венцем мученичества! Испроси нам молитвами твоими благодать Святаго Духа сохраняти веру Христову и церковныя спасительныя обычаи, да расточится безбожие. Умоли, угодниче Божий, Милосердаго Творца, да излиется на нас благодать Святаго Духа, просвещающая наши души, да попалит Господь Бог страстей наших огнепальная стремления, да сохранит нас от всякия злобы, да спасет от напастей, бед и скорбей, и да пребудем верными христианами до конца жизни нашея, сохраняя в сердцах наших памятование печалей, болезней и трудов твоих, во славу Бога Отца и Сына и Святаго Духа. Аминь.

+++

О великий чудотворче, свещенномучениче Клименте! Приклонися ныне к нашим возды­ханием сердечным и помози нам во времен­ном житии сем творити вся в законе Божии предложенная, всякаго же греха отметатися. Ты, великий подвижниче, от юности твоея клеветы претерпевый, многия же болезни душевныя и труды понесый, помолися ко Господу Богу о нас, грешных и недостойных раб Божиих (имена), да твоим предстательством и заступлением подаст Всеблагий и нам, гре­шным, силу и крепость во благодушии претерпевати клеветы человеческия и яже на земли скорби и сохранити заповеди Его, да прославим пречестное и великолепое имя Го­спода Бога и Его благодать, данную тебе, во веки веков.

Храм священномученика папы Римского в Замоскворечье
119017 Москва, ул. Пятницкая, 26, стр.1
e-mail: sanklemente2014@yandex.ru
Телефоны: +7 (495) 953-02-36; +7 (963) 770-67-27  (с 10-00 до 19-00).

Азбука веры

Разработка сайта: Григорий Малышев. Система управления сайтом HostCMS